बंडगार्डन पोलीस स्टेशनचे, सायबर पथकाची दमदार कामगिरी

  नारायण अलदार (प्रतिनिधी) पुणे :-

बंडगार्डन पोलीस ठाणेचे वरिष्ठ पोलीस निरीक्षक रविंद्र गायकवाड यांच्या मार्गदर्शनाखाली सायबर पथकाचे अधिकारी स्वप्नील लोहार, पोलीस अंमलदार निलेश पालवे, प्रविण पाडाळे यांनी बंडगार्डन पोलीस ठाणे हद्दीत हरवलेल्या मोबाईल फोनचा डेटा तयार करुन त्याबाबत तांत्रीक तपास व  पाठपुरावा करुन नागरिकांचे हरवलेले 5 लाख 91 हजार रुपये किंमतीचे एकुण 50 मोबाईल फोन हस्तगत करण्यात यश मिळाले आहे. हस्तगत करण्यात आलेले मोबाईल फोन संबधीत तक्रारदार यांना बंडगार्डन पोलीस स्टेशन येथे परिमंडळ 2 चे पोलीस उपायुक्त मिलींद मोहिते यांचे हस्ते परत करण्यात आले. सदरचे मोबाईल फोन परत मिळाल्याने नागरिकांनी आनंद व्यक्त करुन पुणे पोलीसांचे आभार व्यक्त केले आहेत.

सदरची कामगिरी पुणे शहराचे आयुक्त अमितेश कुमार, पोलीस सह आयुक्त रंजनकुमार शर्मा, पश्चिम विभागाचे अप्पर पोलीस आयुक्त राजेंद्र बनसोडे, परिमंडळ 2 चे पोलीस उप आयुक्त मिलिंद मोहिते, लष्कर विभागाच्या सहाय्यक पोलीस आयुक्त श्रीमती संगिता शिंदे, आल्फोन्सो, सहाय्यक पोलीस आयुक्त लष्कर विभाग, वरिष्ठ पोलीस निरीक्षक रविंद्र गायकवाड, पोलीस निरिक्षक (गुन्हे) निलकंठ जगताप मा. पोलीस निरीक्षक (गुन्हे) संपतराव राऊत यांचे मार्गदर्शनाखाली पोलीस उप निरीक्षक स्वप्नील लोहार, निलेश पालवे, शशिकांत खाडे, महेश साळुंखे, प्रविण पाडाळे, महेश जाधव, यांचे पथकाने केली आहे.